好介紹:「點煮網」代 bloggers 搬家

多謝各位介紹0既 "點煮網", 呢個網係為我0地 d 被惡虎迫遷0既苦主帶來新希望0既救星! 它會幫我0地寫0左咁多年 BLOG 0既 BLOGGERS 搬家 (連相連留言一齊搬, 之後好大可能會開放 BLOG 0既新平台! 佢0地話: "我們已經建立了一個自動分析系統，只要你向我們提供你的Blog的網址，我們就可以把 網誌裡面所有質料，例如：文字、圖片，全部暫存於我們的數據中心。" ,免費0架! 大家快 D 登記和申請, 等我0地日後又再 KEEP IN TOUCH THERE 啦! http://www.dimcook.com/blogrescue 唔駛一個鐘就攪掂 ^v^ 唔信? 可以睇0下我呢個成功搬家例子, 真係連埋留言一齊搬0架! http://archives.dimcook.com/kathy/articles 如果你個惡虎 blog 未係唯讀 mode 時, (即係你個惡虎 blog 仲可以 update 改0野), 呢個"點煮網"會同你自動同步 update 埋, 真係好好啊! ^v^

好 DOWN >_<~ 請大家在此留言 keep in touch! 唔好失散喔！

超級唔開心! 昨日想寫 BLOG 突然見到呢個 message: "Yahoo! Blog將於2013年12月26日起關閉服務！” 即刻成個人 down 哂, 無心機 update! 惡虎呀! 其實你們一早知要關閉個 blog 就當初咪叫人駛時間去做咩野 upgrade 啦! 之前話要 upgrade 個 blog, 已經煩爆0左我 , but 最後都有配合你0地去做 upgrade 啦, 以為你0地好 stable tim! 版面又要重設過! 而家仲要關閉埋! 實在難以服眾!

話哂呢個 blog 都寫0左成三年幾, 由老公開始求婚、到搞結婚0既過程、big day 0既回憶, 到懷孕生仔0既歷程...其間所相識0既 blog 友仔, 他們寫0既意見同留言, 就係咁俾你隻惡虎一個唔該就話關閉, 真係好無陰公 lor! 惡虎, 你究竟有無暸解過我0地既感受? 我0地當初信得你過, 支持你先再此建立了自己0既平台, 記敘了大家0既生活點滴! 而家你為0左你0地0既計劃就放棄哂我0地! 真係睇錯0左你! 對你好失望!!

各位 blog 友仔, 呢幾年認識你0地好開心, 可惜而家俾惡虎迫遷... 我好唔捨得你0地啊! 同大家之前給我0既留言... 嗚嗚... 我搬0左去 http://alankathy.blogspot.hk/ , (唔知好唔好呢? anyway, 快 d add 返我或 bookmark 我先啦!) 聽聞話要逐篇逐篇搬! OMG!!! 百幾篇要逐篇搬? 不過暫時個 blogspot 仲係吉 page, 遲 d 慢慢搬呢百幾篇"傢私"過去同 update , 都係拜隻C惡虎所賜 lor! 真係愈唸愈興! 唔理又唔得! 怕之前 d 心血俾佢食0左, 如果而家靠惡虎做 backup, 個 blog 會即時變成唯讀 (read-only mode), 即係改唔到0野, 留唔到言, 從此被冷藏到十二月 , 再被強行溶掉 --> RIP...

大家會唸住搬去邊請在此留言話俾我知，等我 add 返大家! 唔好失散呀! 要 keep in touch 呀! .


各位: 原來我發現唔識 ADD 人, >_<~~  大家可唔可以教我點 ADD (等於追蹤?) 返你0地啊.... (痛苦中... >_<~) 你0地都記得 ADD 返我 please!!